Drawing Stages
مراحل الرسومات عامة والكهربية خاصة بيمروا بنفس المراحل في اي مشروع
مراحل الرسومات عامة والكهربية خاصة بيمروا بنفس المراحل في اي مشروع
تبدأ من التصور المبدئي لحد ما نوصل للرسومات النهائية:
1. Concept Design (فكرة التصميم):
- في المرحلة دي، بنبدأ نضع فكرة عامة لمتطلبات النظام الكهربائي. بنحدد الأحمال الكهربائية الأساسية والمواقع العامة للمعدات الرئيسية زي المحولات ولوحات التوزيع.
- الهدف هنا هو تطوير فكرة مبدئية عن النظام الكهربائي وتوزيع الأنظمة الرئيسية من غير تفاصيل دقيقة.
2. Schematic Design (التصميم التخطيطي):
- المرحلة دي بتكون تفصيلية أكتر من المرحلة السابقة، و بنحدد مواقع مبدئية للمكونات الكهربائية زي اللوحات الكهربائية والأسلاك.
- بنعمل رسومات تخطيطية (Schematic Drawings) توضح توزيع المكونات الكهربائية الرئيسية والعلاقات بينها.
3. Detailed Design (التصميم التفصيلي):
- هنا بنبدأ نعمل رسومات تنفيذية شاملة للنظام الكهربائي، بحيث نوضح كل التفاصيل المطلوبة للتنفيذ.
- بنعمل رسومات للكابلات، توزيع الأسلاك، تفاصيل تركيب اللوحات الكهربائية، وتصميم أنظمة الحماية والتأريض وباقي انظمة التيار الخفيف مع توضيح كل الحسابات.
4. Construction Documentation (وثائق التنفيذ):
- في المرحلة دي، بنجهز كل الرسومات التنفيذية (Shopdrawings) والمواصفات الفنية اللازمة للتنفيذ في الموقع.
- الوثائق دي بتشمل رسومات التركيب، جداول الكميات، ومواصفات المعدات الكهربائية، وبتستخدم لإصدار المناقصات.
5. As-Built Drawings (رسومات التنفيذ الفعلي):
- بعد ما المشروع يخلص، بنعمل رسومات "As-Built" لتوثيق أي تعديلات حصلت أثناء التنفيذ.
- الرسومات دي بتكون توثيق نهائي للي اتنفذ فعليًا في الموقع، وبتساعد في عمليات الصيانة بعد كده.
ارجع للبوست على Linkedin
https://shorturl.at/rqYoU